Shyǵys Qazaqstanda 165 eldi mekenniń áli bas jospary joq

ÓSKEMEN. KAZINFORM — Shyǵys Qazaqstan oblysyndaǵy 165 aýyldyń bas jospary bekitilmegen.

ShQO Qurylys, sáýlet jáne qala qurylysy basqarmasynyń málimetinshe, búgingi tańda óńir aýmaǵynda 360-qa jýyq eldi meken ornalasqan. Olardyń bekitilgen bas josparmen qamtamasyz etilý deńgeıi 52%-dy quraıdy. Al 165 eldi mekenniń bas jospary joq.

— Zańnamaǵa sáıkes, bas josparlardyń eseptik qoldanylý merzimi 15-20 jyl. Qazirgi ýaqytta 100-den astam eldi mekenniń jospary boıynsha osy merzimniń ótýine baılanysty olardy túzetý qajet. Búgingi tańda oblys qalalarynyń 6 bas josparynyń ishinde ekeýi tsıfrlandyrylyp, Memlekettik qala qurylysy kadastrynyń bazasyna engizildi, — dedi basqarma basshysy Rýfat Akramov.

Onyń aıtýynsha, bekitilgen bas josparlarsyz týrızm salasyndaǵy ınvestıtsııalyq jobalardy júzege asyrý múmkin emes.

Byltyr oblys boıynsha egjeı-tegjeıli josparlaý jobalarymen biriktirilgen aýyldyq eldi mekenderdiń 22 bas jospary ázirlengen. 

Eske salsaq, osyǵan deıin ınvestıtsııalyq kelisimsharttardy negizsiz buzǵany úshin 5 laýazymdy tulǵa jazalanǵany habarlanǵan.