Shyǵys Qazaqstanda 16 adamdy kene shaqty

ÓSKEMEN. KAZINFORM – Shyǵys Qazaqstan oblysynda kún jylynǵaly beri kene shaqqandar sany kóbeıip keledi.

Bıyl óńirde kene belsendiligi ádettegiden erte bastaldy. Naýryz aıynyń aıaǵynan osy ýaqytqa deıin oblysta kene shaǵý deregimen 16 adam medıtsınalyq kómekke júgingen.

Zardap shekkenderdiń barlyǵyna kene entsefalıtine qarsy vaktsına egildi. Qazirgi ýaqytta Shyǵys Qazaqstandaǵy medıtsınalyq uıymdarda ımmýnoglobýlın qory jetkilikti.

- Alǵashqy tirkelgen jaǵdaılar arasynda kene arqyly juǵatyn ınfektsııalar anyqtalǵan joq. Kópjyldyq taldaý nátıjesine sáıkes, entsefalıt pen ózge de ınfektsııalar, ádette, mamyr aıynda tirkele bastaıdy. Shyǵys Qazaqstan oblysynda kene entsefalıtiniń turaqty tabıǵı oshaqtary bar. Olar Glýbokoe, Katonqaraǵaı, Shemonaıha, Ulan, Altaı, Samar aýdandary men Rıdder, Óskemen qalalarynyń mańy, - deıdi ShQO sanıtarlyq-epıdemıologııalyq baqylaý departamenti basshysynyń orynbasary Sáýle Slıamǵazına.

Óńir turǵyndaryna tabıǵat aıasyna shyqqanda qaýipsizdik sharalaryn saqtap, jabyq kıim kııý jáne repellentter qoldaný qajettigi eskertildi.

Eske salsaq, osyǵan deıin keneden qalaı qorǵanýǵa bolatyndyǵy týraly maman keńesin jazǵanbyz.