Shyǵys Qazaqstanda 150-ge jýyq dáriger jetispeıdi

ÓSKEMEN. KAZINFORM – Shyǵys Qazaqstan oblysynda dáriger tapshylyǵy máselesi áli ózekti.

Óńirdegi medıtsına salasynyń qazirgi jaǵdaıy týraly ShQO densaýlyq saqtaý basqarmasy basshysynyń orynbasary Aınash Kapanova aıtyp berdi.

- Turǵyndarǵa medıtsınalyq kómektiń sapasyn arttyrý maqsatynda birqatar baǵyt boıynsha jumys júrgizilip jatyr. Atap aıtqanda, aýrýlardyń aldyn alý, erte dıagnostıkalaý, syrqattanýshylyq pen ólim-jitim kórsetkishterin tómendetý jáne medıtsınalyq ınfraqurylymdy jańǵyrtý. Osy jyldyń toǵyz aıynda medıtsınalyq qyzmetkerler 10 myńǵa jýyq profılaktıkalyq is-shara ótkizdi. Sonyń barysynda óńirdiń 69 230 turǵyny qamtyldy, - dedi ol.

Jyl kóleminde ana ólimi tirkelmegen. V gepatıtiniń kórsetkishteri tómendep, týberkýlezben syrqattanýshylyq azaıdy.

«Aýyldyq densaýlyq saqtaý salasyn jańǵyrtý» Ulttyq jobasy aıasynda bıyl oblysta 35 jańa medıtsınalyq nysan paıdalanýǵa berildi. Taǵy bir nysan qurylysy jyldyń sońyna deıin aıaqtalady. Medıtsınalyq mekemelerdiń jabdyqtalý deńgeıi 87,5%-ǵa jetti.

Alaıda áli kúnge deıin dáriger tapshylyǵy máselesi sheshilmeı keledi. Búginde jalpy sany 150-ge jýyq aq halatty maman jetispeıdi. Onyń ishinde pedıatrlar, anestezıologtar, reanımatologtar, akýsher-gınekologtar jáne jalpy tájirıbelik dárigerler kerek.

Eske salsaq, osyǵan deıin qyzylordalyq dárigerler bir kúnde úsh adamnyń búıregin aýystyrǵany habarlanǵan.