Shyǵys Qazaqstanda 100-ge jýyq adamdy kene shaqty

Qazirgi tańda kene shaqqan 92 adam medıtsınalyq mekemege júgingen. Onyń ishinde 14 jasqa deıingi bala sany - 38. 

Epıdemıologtardyń málimetinshe, ótken jyldyń osy kezeńimen salystyrǵanda zardap shekkender sany 14-ke kóbeıgen.

- Búgingi tańda kene arqyly juǵatyn ınfektsııalar anyqtalǵan joq. Óńirdegi medıtsınalyq uıymdarda ımmýnoglobýlın qory jetkilikti. Sonymen qatar turǵyndarǵa tabıǵat aıasynda demalǵan kezde saqtyq sharalaryn buzbaı, repellentter qoldanýdy eske salamyz, - dedi ShQO sanıtarlyq-epıdemıologııalyq baqylaý departamenti basshysynyń mindetin atqarýshy Sáýle Slıamǵazına.

Aıta ketý kerek, óńirde kene entsefalıtiniń tabıǵı oshaqtary turaqty túrde tirkeletin aýmaqtar bar. Olar: Glýbokoe, Katonqaraǵaı, Shemonaıha, Ulan, Altaı, Samar aýdandary men Rıdder, Óskemen qalalarynyń mańy.

Eske salsaq, osyǵan deıin Qyzylorda oblysynda kenege qarsy óńdeletin eldi mekender sany azaıǵany habarlanǵan.