Shyǵys Qazaqstan jastary «Taza Qazaqstan» qaǵıdattaryn qoldaıdy
ALTAI. KAZINFORM — Shyǵys Qazaqstan oblysynyń Altaı qalasynda «Taza Qazaqstan» ekologııalyq bastamasy jáne «Jastar — taza ári kórkeıgen Qazaqstan úshin!» aktsııasy aıasynda volonterler, stýdentter men aýdannyń belsendi jastarynyń Qoǵamdyq keńes múshelerimen kezdesýi ótti.
Іs-sharany Altaı aýdanynyń «Jastar resýrstyq ortalyǵy» KMM uıymdastyrdy.
Kezdesýdiń negizgi taqyryby — Altaı aýdanyndaǵy ekologııalyq jaýapkershilik pen qorshaǵan ortany qorǵaý máseleleri boldy.
Qatysýshylar jastardyń tabıǵatqa uqypty qaraý mádenıetin qalyptastyrýdaǵy, qoǵamdyq oryndardyń tazalyǵyn saqtaýdaǵy jáne ózderi ómir súrip jatqan ortaǵa jaýapkershilikpen qaraýdaǵy rólin talqylady.
Qoǵamdyq keńes múshelerimen ótken ashyq dıalog barysynda azamattyq jaýapkershilikke, belsendi ómirlik ustanymǵa jáne ár turǵynnyń týǵan ólkeni damytý men abattandyrýǵa qosatyn jeke úlesine erekshe nazar aýdaryldy. Ekologııalyq mádenıet tek senbilikterge qatysýdan ǵana emes, kúndelikti tártipten, qorshaǵan ortaǵa qurmetpen qaraýdan jáne ortaq keńistikke jaýapkershilikpen qaraýdan bastalatyny atap ótildi.
Іs-sharanyń praktıkalyq bóligi Táýelsizdik alleıasynda ótip, jastar aýmaqty tazalap, abattandyrý jumystaryn júrgizdi.
«Taza Qazaqstan» bastamasy praktıkalyq ekologııalyq sharalardy tazalyq, jaýapkershilik jáne qorshaǵan ortaǵa qurmet mádenıetin qalyptastyrýǵa baǵyttalǵan mindettermen ushtastyrady. Jastar úshin mundaı bastamalarǵa qatysý — áleýmettik belsendiligin tanytyp qana qoımaı, óz aýdanynyń damýyna naqty úles qosýdyń múmkindigi.
Altaıdaǵy kezdesý aǵa býyn men jastar arasyndaǵy ózara pikir almasýǵa arnalǵan mańyzdy alańǵa aınaldy. Qatysýshylar zamanaýı ekologııalyq jaýapty azamat qandaı bolýy kerektigin jáne naqty ister arqyly qolaıly ári jaıly ómir súrýge jaǵdaı jasaıtyn ortany qalaı qalyptastyrýǵa bolatynyn talqylady.
