Shyǵys Qazaqstan turǵyndarynyń 85 paıyzdan astamy kómirmen qamtamasyz etildi

Shyǵys Qazaqstan oblysy turǵyndarynyń 85 paıyzdan astamy kómirmen qamtamasyz etildi, dep habarlaıdy Kazinform.

ShQO qurylys, energetıka jáne turǵyn úı-kommýnaldyq sharýashylyq basqarmasynyń málimetine súıensek, búginde óńir boıynsha kúzgi-qysqy kezeńde kómir jaǵatyn halyqty qatty otynmen qamtamyz etý jumystary jalǵasýda.

«Bıýdjettik uıymdarǵa kómir qajetti kólemde tolyqtaı alyndy. Bilim berý mekemelerine 30 myń tonna, áleýmettik qamsyzdandyrý nysandaryna 5 myń tonna, medıtsına mekemelerine 6 myń tonnaǵa jýyq kómir jetkizilip otyr. Al turǵyndarǵa 380 myń tonnadan astam kómir jetkizildi, bul jalpy qajettiliktiń 85 paıyzy», - deıdi basqarma basshysynyń orynbasary Nurlan Ramazanov.

Onyń aıtýynsha, temirjol tuıyqtarynda 19,5 myń tonna qatty otyn bar. Al Shyǵys Qazaqstan oblysynyń jylý elektr ortalyqtary men jylý kózderine 308 myń tonnadan astam kómir jetkizilgen. Rıdder jylý elektr ortalyǵyndaǵy qazirgi kómir qory 15 kúnge jetedi.
Talǵatjan Muhametbekuly