Shyǵys Qazaqstan ormandarynda bıyl 70-ten astam órt shyqqan
ÓSKEMEN. KAZINFORM – Shyǵys Qazaqstan oblysynda órt qaýpiniń joǵary deńgeıi áli saqtalyp otyr.
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha órt qaýpi joǵary kezeń bastalǵaly beri 72 ret orman órti tirkelgen. Órt shyǵýynyń negizgi sebepteri – ot tutatý kezindegi salaqtyq, qurǵaqshylyq, aptap ystyq pen naızaǵaı.
- Tilsiz jaýdyń aldyn alý maqsatynda oblysta jalpy sany 288 adamnan turatyn 48 mobıldi top quryldy. Olar 890-nan astam reıd ótkizdi. Sondaı-aq halyq arasynda túsindirý jumystary da uıymdastyrylyp jatyr. Jaǵdaıdy baqylaý úshin ushqyshsyz ushý apparattary belsendi qoldanylyp keledi. Áýeden vızýaldy patrýldeý órt oshaqtaryn jedel anyqtap, olarǵa bastapqy kezeńde óshirýge múmkindik beredi, - delingen aqparatta.
Búginde Samar, Marqakól, Altaı, Kúrshim, Úlken Naryn, Zaısan, Katonqaraǵaı aýdandarynda jáne Óskemen qalasynda 4-synypty – joǵary órt qaýpi baıqalady.
Osy rette, qutqarýshylar halyqqa ormanda ot jaqpaýǵa, qaýipsizdik talaptaryn qatań saqtaýǵa shaqyrdy.
Eske salsaq, osyǵan deıin SQO-da eki iri dala órti sóndirilgeni habarlanǵan.
