Shyǵys Qazaqstan ormandarynda 21 ret órt shyqty

ÓSKEMEN. KAZINFORM – Shyǵys Qazaqstan oblysynda jyl basynan beri memlekettik orman qory aýmaǵynda 21 ret órt boldy

Onyń 17-si naızaǵaı saldarynan shyqqan. 

- Órt sharpyǵan jalpy aýmaq shamamen 200 gektardy quraıdy, keltirilgen zalal 1 mıllıon teńgeden asqan. Oblystaǵy aptap ystyqqa baılanysty órt qaýpi joǵary deńgeıde saqtalyp otyr, - dep habarlady ShQO Tótenshe jaǵdaılar departamentiniń baspasóz qyzmetinen.

Órt qaýpiniń dárejesi kelesideı 5 synyp boıynsha sıpattalady: 1-synyp - órt qaýpi joq; 2-synyp – bolmashy órt qaýpi; 3-synyp – ortasha órt qaýpi; 4-synyp – joǵary órt qaýpi; 5-synyp – tótenshe órt qaýpi

Sońǵy kúnderi Shyǵys Qazaqstandaǵy orman órti qaýpi synyptary kelesideı:

• 3-synyp – Altaı aýdany, Rıdder qalasy, Marqakól aýdany;
• 4-synyp – Óskemen qalasy, Úlken Naryn aýdany, Kúrshim aýdany;
• 5-synyp – Katonqaraǵaı aýdany, Samar aýdany, Zaısan aýdany.

Eske salsaq, osyǵan deıin Túrkııada orman órtteri saldarynan 407 turǵyn úı joıylǵany habarlanǵan.