Shyǵys Qazaqstan oblysynyń ákimi taǵaıyndaldy

ASTANA. KAZINFORM — Budan bylaı Nurymbet Saqtaǵanov Shyǵys Qazaqstan oblysyn basqarady, dep habarlaıdy Aqordanyń baspasóz qyzmeti.

— Memleket basshysynyń Jarlyǵymen Nurymbet Amanuly Saqtaǵanov Shyǵys Qazaqstan oblysynyń ákimi laýazymyna taǵaıyndaldy, — delingen habarlamada.

Nurymbet Saqtaǵanov 1970 jyly Túrkistan oblysynda dúnıege kelgen.

Qorqyt Ata atyndaǵy Qyzylorda memlekettik ýnıversıtetin, Máskeý memlekettik ekonomıka, statıstıka jáne ınformatıka ýnıversıtetin, S. Amanjolov atyndaǵy Shyǵys Qazaqstan memlekettik ýnıversıtetin bitirgen.

Eńbek jolyn 1992 jyly Qyzylorda oblysynyń Syrdarııa aýdanyndaǵy № 172 orta mektepte oqytýshy retinde bastaǵan.

Ár jyldary memlekettik qyzmet, sonyń ishinde keden organdarynda jaýapty basshylyq qyzmetterde bolǵan.

2007-2012 jyldary QR Ekonomıka jáne bıýdjettik josparlaý mınıstrligi Syrtqy ınvestıtsııa kózderin josparlaý bólimi basshysy, mınıstrdiń keńesshisi, Eńbek jáne áleýmettik qorǵaý mınıstrligi mıgratsııa komıteti tóraǵasynyń orynbasary, QR Prezıdenti Ákimshiliginiń memlekettik ınspektory bolyp qyzmet etti.

2012-2021 jyldary Shyǵys Qazaqstan oblysy ákiminiń orynbasary, birinshi orynbasary, Ulan aýdanynyń jáne Semeı qalasynyń ákimi qyzmetterin atqarǵan.

2021 jyldyń aqpan aıynan 2022 jyldyń maýsym aıyna deıin Shyǵys Qazaqstan oblysy Jarma aýdanynyń ákimi laýazymynda eńbek etti.

2022 jyldyń 24 maýsymynan bastap osy ýaqytqa deıin Qyzylorda oblysy ákiminiń orynbasary boldy.

2023 jyldyń 8 qyrkúıeginde ShQO ákiminiń birinshi orynbasary bolyp taǵaıyndaldy.

Eske salsaq, buǵan deıin ShQO-ny basqarǵan Ermek Kósherbaev nesimen este qalǵanyn zerdelep kórgen edik.