Shyǵys Qazaqstan oblysyndaǵy orman órti aýyzdyqtaldy
ASTANA. KAZINFORM — 2026 jylǵy 13 tamyzda Shyǵys Qazaqstan oblysyndaǵy «Asý Bulaq» memlekettik mekemesiniń aýmaǵynda tirkelgen orman órti boıynsha jaǵdaı baqylaýda.
Ekologııa jáne tabıǵı resýrstar mınıstrliginiń málimetinshe, 114-oramdaǵy orman órti aýyzdyqtaldy. Qazirgi ýaqytta ony tolyq sóndirý jumystary júrgizilip jatyr.
— Al 113-oramdaǵy órt boıynsha oqshaýlaý jáne tolyq sóndirý jumystary jalǵasyp jatyr, — delingen habarlamada.
Órtti sóndirýge barlyǵy 43 tehnıka, 224 adam jáne 4 tikushaq jumyldyrylǵan. Qazirgi ýaqytqa deıin áýeden 100 ret sý tógilgen.
Jaǵdaı Qazaqstan Respýblıkasy Ekologııa jáne tabıǵı resýrstar mınıstrliginiń turaqty baqylaýynda.
Eske salaıyq, buǵan deıin 14 tamyzda Qazaqstannyń orman qory aýmaǵynda 10 orman órti tirkelgenin jazǵanbyz.
