16:17, 17 Naýryz 2024 | GMT +6
Shyǵys Qazaqstan oblysynda taý-ken baıytý kesheni aýmaǵynda órt shyqty
ALTAI. KAZINFORM – Shyǵys Qazaqstan oblysy Altaı qalasynyń taý-ken baıytý kesheni aýmaǵyndaǵy tsehta bolǵan órt sóndirildi.
Tótenshe jaǵdaılar departamentiniń málimetinshe, oqıǵa bolǵan jerde kontsentrattardy qoıýlandyrý jáne súzý ýchaskesinde ornalasqan eki qabatty jeke tsehtyń shatyry órtengen.
Taý-ken baıytý kesheni aýmaǵyna dereý órt sóndirý qyzmetkerleri jetti. Tilsiz jaýdy aýyzdyqtaýǵa jeke quramnyń 35 adamy men 7 birlik avarııalyq-qutqarý tehnıkasy men kásibı áskerılendirilgen avarııalyq-qutqarý qyzmeti jumyldyryldy.
260 sharshy metr aýmaqty sharpyǵan órt saǵat 15.48-de sóndirildi. Zardap shekkender joq. Ottyń shyǵý sebebi anyqtalyp jatyr.
