Almatyda aýa sapasy birneshe kúnnen beri nasharlap tur

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 2025 jylǵy 4 jeltoqsanda Aqtóbe, Almaty, Atyraý, Jezqazǵan, túnde Qostanaı qalalarynda qolaısyz meteorologııalyq jaǵdaılar boljanǵan, — delingen habarlamada. 

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, búgin Astana men 14 óńirde kún raıy buzylady.