Shyǵys Qazaqstan oblysynda ata-analar balaǵa qandaı esimderdi jıi tańdaıdy?

ÓSKEMEN. KAZINFORM — Shyǵys Qazaqstan oblysynda jyl basynan beri ata-analardyń jańa týǵan nárestelerge qoıǵan esimderi belgili boldy.

«Azamattarǵa arnalǵan úkimet» KEAQ Shyǵys Qazaqstan oblysy boıynsha fılıalynyń málimetinshe, qyzdardyń esimderi boıynsha alǵashqy bestikke Aı-Safı, Márııam, Tomırıs, Kıra, Safııa kirdi. Er balalardyń ishinde Beıbarys, Álınur, Haqnazar, Dáýit, Maksım esimderi eń tanymal boldy.

Jyl basynan beri oblysta 7 myńǵa jýyq týý týraly kýálik berilgen. Onyń úsh myńnan astamyn ata-analar halyqqa qyzmet kórsetý ortalyǵyna barmaı-aq alǵan. Ótken jyldyń sáıkes kezeńimen salystyrǵanda mundaı ótinishter sany aıtarlyqtaı ósti, muny sarapshylar tsıfrlyq memlekettik qyzmetterge degen senimniń artýymen baılanystyrady.

— Bala týǵannan keıin anaǵa 1414 nómirinen SMS habarlama keledi. Habarlamada tek birneshe suraqtarǵa jaýap berý jáne balanyń tańdaǵan esimin kórsetý qajet. Bul format týý týraly kýálikti alý protsesin aıtarlyqtaı jeńildetedi jáne azamattardyń ýaqytyn únemdeıdi, — dep atap ótti «Azamattarǵa arnalǵan úkimet» AQ Shyǵys Qazaqstan oblysy boıynsha fılıalynyń dırektory Azamat Esembulov.

Eske salaıyq, jyl basynda Halyqqa qyzmet kórsetý ortalyqtary pasport pen jeke kýálikti termınal arqyly bere bastaıtyny týraly jazdyq. Qujattardy berýge arnalǵan pılottyq joba jyl sońyna deıin jalǵaspaq.