Shyǵys Qazaqstan oblysynda 130 myńnan astam adam JRVI juqtyrdy
ÓSKEMEN. KAZINFORM – Shyǵys Qazaqstan oblysynda jedel respıratorlyq vırýstyq ınfektsııa men tumaýǵa shaldyqqandar sany artyp keledi.
2025-2026 jyldardaǵy epıdemııalyq maýsymda, ıaǵnı 1 qazannan bastap oblys boıynsha 132 406 JRVI jaǵdaıy tirkeldi. Onyń ishinde 14 jasqa deıingi bala sany – 81 337, 1 jasqa deıingi náreste sany – 1 543.
– Tumaýdyń zerthanalyq rastalǵan 182 jaǵdaıy tirkeldi, onyń barlyǵy Gonkong tumaýy dep atalatyn A/H3N2 vırýsy. Juqtyrǵandardyń 92-si – 14 jasqa deıingi balalar, - dedi ShQO Sanıtarlyq-epıdemıologııalyq baqylaý departamentiniń basshysy Qanat Turdıev.
Budan bólek, oblysta rınovırýs (73 jaǵdaı), bokavırýs (3 jaǵdaı), adenovırýs (35 jaǵdaı) jáne koronavırýs ınfektsııasy (6 jaǵdaı) tirkeldi.
Eske salsaq, osyǵan deıin Túrkistan oblysynda JRVI-men syrqattanǵandar sany artqany jaıly jazǵanbyz.