Shyǵys Qazaqstan men Abaı oblystarynyń arasyndaǵy joldy sý shaıyp ketti
ÓSKEMEN. KAZINFORM – Shyǵys Qazaqstan men Abaı oblystarynyń arasyndaǵy rekonstrýktsııalaý jumystary júrgizilip jatqan respýblıkalyq mańyzy bar joldy sý shaıyp ketti.
29 naýryzda resbpýlıkalyq mańyzy bar «Qalbataý-Maıqapshaǵaı» tasjolynyń 1090-1092 shaqyrymyn qyzyl sý shaıyp ketti. Bul ýchaskede rekonstrýktsııalaý jumystary júrgizilip jatqan. Sodan beri kólik júrgizýshileri óte almaı, Shyǵys Qazaqstan men Abaı oblystarynyń arasyndaǵy qatynas qıyndady.
1 sáýirde tasqyn sý toqtap, jol jıekteri men betkeılerdi qalpyna keltirý jumystary bastaldy.
«Sý basqan ýchaskeniń uzyndyǵy 1000 metrdi quraıdy. Sýdyń bıiktigi – 15-ten 20 santımetrge deıin. Aldaǵy ýaqytta erigen sýdy qaýipsiz aǵyzyp, jol jamylǵysyn saqtaýǵa múmkindik beretin 13 kópir ótkelin ornatý josparlanyp otyr. Osy kópirlerdiń qurylysyn osy jyldyń sońyna deıin aıaqtaý kózdelgen», - dep habarlady «QazAvtoJol» UK» AQ baspasóz qyzmetinen.
