Shyǵys Qazaqstan halqynyń ortasha jalaqysy qansha

ÓSKEMEN. KAZINFORM – Shyǵys Qazaqstan oblysy turǵyndarynyń aı saıynǵy tabysy ósip keledi.

2025 jyldyń ekinshi toqsanynda oblys halqynyń ortasha aılyq jalaqysy 417 myń teńgeden asty. Bul ótken jylmen salystyrǵanda 11,4%-ǵa kóp. Statıstıkaǵa iri jáne orta kásiporyndardyń derekteri ǵana engizilgen. Shaǵyn bıznes esepke alynbady.

Ulttyq statıstıka bıýrosynyń málimetinshe, eń joǵary jalaqy ádettegideı ónerkásip pen qarjy salalarynda tirkelgen. Al aýyl sharýashylyǵy men áleýmettik qyzmet kórsetý salalarynda tabys eń tómengi deńgeıde qalyp otyr.

- Nomınaldy jalaqy – bul ınflıatsııany esepke almaı kórsetiletin soma. Al halyqtyń shynaıy tabysy baıaý ósip keledi. Bir jyl buryn óńirdegi ortasha jalaqy shamamen 375 myń teńge bolǵan, al qazir ol 417 myń teńgeden asty. Demek, bir jyl ishindegi ósim - 42 myń teńge, - dep habarlady vedomstvo ókilderi.

Oblystaǵy jalaqy ósimi el boıynsha ortasha kórsetkishpen sáıkes keledi. Dese de Shyǵys Qazaqstan jalaqy kólemi jaǵynan munaı óndiretin aımaqtardan artta, biraq agrarly ólkelerdiń ishinde alda tur.

Eske salsaq, osyǵan deıin Qyrǵyzstanda ortasha aılyq jalaqy 42 myń somnan asqany habarlanǵan.