Shyǵys Qazaqstan halqy kóbinese qaı salalarǵa qatysty shaǵym túsiredi

ÓSKEMEN. KAZINFORM — Shyǵys Qazaqstan oblysynda tutynýshylardyń kóbine qaı qyzmet salalaryna jıi shaǵymdanatyny belgili boldy.

ShQO Saýda jáne tutynýshylardyń quqyqtaryn qorǵaý departamentiniń málimetine súıensek, ótken jyly turǵyndar tarapynan barlyǵy 920 aryz-shaǵym túsken. Al jyl basynan beri 239 shaǵym túsken.

— Byltyr turǵyndar tarapynan eń kóp shaǵym bólshek saýda salasyna qatysty tústi — 389. Elektrondyq kommertsııa salasynda 231, turmystyq qyzmet kórsetý salasynda 180 shaǵym tirkeldi. Turǵyn úı-kommýnaldyq sharýashylyq, qoǵamdyq tamaqtandyrý, bilim berý, medıtsınalyq jáne baılanys qyzmetterine qatysty da jazbasha shaǵymdar jasaldy, — deıdi departament basshysy Ashat Saǵıdoldın.

Osy aryz-shaǵymdardyń qorytyndysy boıynsha 197 ákimshilik is qozǵaldy. Eskertýler jasalyp, aıyppul salynyp, kináliler tártiptik jaýapkershilikke tartyldy. 

Eske salsaq, osyǵan deıin SQO-da bıyl sapasyz medıtsınalyq qyzmetke qatysty 100-ge jýyq shaǵym túskeni habarlanǵan.