Shyǵys Qazaqstan aýmaǵynyń 32 paıyzyn qar alyp jatyr
ÓSKEMEN. KAZINFORM — Shyǵys Qazaqstan oblysynda qar qarqyndy erı bastady.
«Qazgıdromet» RMK ShQO fılıalynyń málimetinshe, oblys aýmaǵyndaǵy qar jamylǵysy 32%-ǵa deıin qysqardy. Glýbokoe, Marqakól jáne Altaı aýdandarynda qardyń bıiktigi 20-dan 43 sm-ge deıin tómendegen.
— Іri ózenderdiń arnalary muz qursaýynan ashyldy. Sý deńgeıi qaýipti mejeden tómen. Gıdrotehnıkalyq qurylystar turaqty baqylaýda. Buqtyrma sý qoımasynda muz qabatynyń álsiregeni baıqalady, — delingen aqparatta.
Qazir ózenderdiń arnasynan asýy, turǵyn úıler men úı mańyndaǵy aýmaqtardy sý basýy tirkelgen joq.
— Óńirde sý tasqynyna qarsy is-sharalar keshenin iske asyrý jalǵasyp jatyr. Sý deńgeılerin baqylaý gıdroposttar jelisi arqyly júzege asyrylady. Sý tasqyny qaýpi bar ýchaskelerge áýeden monıtorıng júrgiziledi. Qazirdiń ózinde 7 aerovızýaldy baqylaý júrgizildi, — dep habarlady oblystyq Tótenshe jaǵdaılar departamentinen.
Eske salsaq, osyǵan deıin elimizdiń tórt óńirine sý tasqyny men qar kóshkini qaýpi tónip turǵany habarlanǵan.