«Shyǵynyn aqtamaıdy» — EXPO ǵımarattaryna qatysty tekseris júrgizilmek
ASTANA. KAZINFORM — Joǵary aýdıtorlyq palata tóraǵasy Álıhan Smaıylov EXPO ǵımarattaryna qatysty tekserý bolýy múmkin ekenin aıtty.
Búgin Senattyń jalpy otyrysynan keıin tilshiler Á. Smaıylovtan elordada kezinde salynǵan EXPO ǵımarattaryna aýdıt júrgizý múmkindigi týraly suraq qoıdy.
«Salynǵan EXPO ǵımarattary ózin aqtap jatyr ma? Sebebi bul ǵımarattardy kútip ustaý men basqa shyǵyndar bar», — dep surady tilshiler.
Óz kezeginde Joǵary aýdıtorlyq palata tóraǵasy aldaǵy ýaqytta bul baǵytta tekseris bolatynyn aıtty.
«Qazir olardyń tabystary ulǵaıdy. Biraq tolyǵymen ózin-ózi aqtap jatyr dep aıta almaımyn», — dedi Álıhan Smaıylov.
Eske salsaq, byltyr Astanadaǵy EXPO kesheni qurylysynyń sapasy tekserilip jatqany habarlandy.
2022 jyly Astanada nóser jaýynnan keıin EXPO aýmaǵynda birneshe ǵımaratty sý basty.
