Shyǵyn 672 mln teńge: Aqtóbede kezekte turǵandardy baspanamen qamtý isi sotqa tústi

AQTÓBE. KAZINFORM – Sotqa burynǵy depýtattar Baqytjan Qadralın, Azamat Jálimbetov pen Muǵaljar aýdandyq sáýlet, qala qurylysy jáne qurylys bóliminiń basshysy Ánes Seıilhanǵa qatysty is tústi. Ázirge sot otyrysynyń qaı ýaqytta bastalatyny belgisiz. 

Aqtóbe oblysy Muǵaljar aýdanyndaǵy bes qabatty ǵımaratty qaıta jóndep, kezekke turǵyndarǵa berý jobasy aıaqsyz qaldy. Ákimdik pen merdiger 2023 jyly ózara kelisip, 70 páterdi berýdi josparlandy. Alaıda Aqtóbe oblysy boıynsha ishki memlekettik aýdıt departamenti tekserý jumystaryn júrgizip, birneshe zańsyzdyqty anyqtady. Keıin qatelikti túzetýge usynys berilip, aqshany keri qaıtarý týraly sheshim shyǵaryldy. 

Arada bir aıǵa jýyq ýaqyt ótkende úı de, aqsha da joq ekeni anyqtalyp, iske sol kezde QR Sybaılas jemqorlyqqa qarsy is-qımyl agenttiginiń oblystyq departamenti aralasty. Búginde is sotqa túsken. 

– Qylmystyq is Muǵaljar aýdandyq sotyna tústi. Іs qabyldanǵan soń tolyq aqparat beriledi, - dedi Aqtóbe oblysynyq sotynyń baspasóz qyzmeti. 

Eske salsaq, osy oqıǵadan keıin Muǵaljar aýdanynyń ákimi Darhan Ermaǵambetov qatań sógis aldy.