Shyǵyn 270 mln teńge: tabysty kásipker alaıaq bolyp shyqty

ASTANA. KAZINFORM — Elorda turǵyny ózin aýqatty kásipker retinde tanystyryp, 4 jábirlenýshini iskerlik yntymaqtastyqty syltaýratyp, avtonesıe alýǵa kóndirdi. 

— Ol nesıeni ózi tólep, kólikterdi bızneste paıdalanýǵa ýáde berdi, biraq kóp uzamaı kólikterdi Reseı Federatsııasyna tasymaldap, satyp, túsken aqshany óz qajettilikterine jumsaǵan. Jábirlenýshiler mıllıondaǵan dollar qaryz bolyp qaldy. Keltirilgen shyǵyn kólemi 270 mln teńgeden asty, — delingen Astana qalasynyń prokýratýrasy habarlamada.

Sot er adamdy kináli dep taýyp, 6 jyl 8 aıǵa bas bostandyǵynan aıyrdy.

Úkim zańdy kúshine engen joq. 

Aıta ketelik Almatyda alaıaqtar nómir aýystyrýǵa paıdalanatyn Sim-Box jabdyǵy tárkilendi.