«Shyǵyn 218 mln teńge». Abaı oblysynda 18 barymtashy ustaldy

ASTANA. KAZINFORM — Abaı oblysynda mal urlyǵyna qarsy kúres kúsheıtildi, dep habarlaıdy oblystyq polıtsııa departamentiniń baspasóz qyzmeti.

Jyl basynany beri, ıaǵnı 10 aıda 18 adam ustaldy. 2024 jyldyń on aıynda Abaı oblysynda 94 mal urlyǵy oqıǵasy tirkelgen. Onyń 85%-y erkin jaıylymda oryn alǵan, bul urlyq qaýpin aıtarlyqtaı arttyrady. Urlyq nátıjesinde jalpy shyǵyn 218,8 mln teńgeni qurap, onyń 120,8 mln teńgesi óteldi.

— Tergeý barysynda mal urlyǵyna qatysy bar 18 adam ustaldy, olardyń 11-i 4 uıymdasqan qylmystyq toptyń múshesi. Oblys polıtsııasy mal urlyǵyna qarsy kúresti belsendi túrde jalǵastyrýda, bul jumys qatań baqylaýda, — delingen oblystyq PD taratqan aqparatta.

Qylmystardyń negizgi sebepteriniń biri — maldyń erkin jaıylymda qaraýsyz qalýy, bul urlyqqa jaǵdaı jasaıdy.

Buǵan deıin habarlaǵanymyzdaı, Almaty oblysynda mal urlyǵyna qarsy aýqymdy joba bastaldy.