Shyǵyn 11 mln teńge: mal urlaǵan qylmystyq top ustaldy
ASTANA. KAZINFORM – 14 qazanda Batys Qazaqstan oblysynyń krımınaldyq polıtsııa qyzmetkerleri jaıylymnan mal urlaǵan qylmystyq topty ustady. Bul týraly ІІM baspasóz qyzmeti habarlady.
Tergeý barysynda ustalǵandardyń biri sharýa qojalyǵynyń basshysy retinde aýyl sharýashylyǵy janýarlaryn ósirýmen aınalysqany anyqtaldy.
Kúdiktiler urlanǵan maldy dalada ornalasqan arnaıy qora-jaıǵa aıdap aparǵan. Jylqylardy júk kólikterine tıep, elimizdiń ońtústik óńirlerine jóneltken, al iri qara maldy óz sharýashylyqtaryna qosqan.
Qazirgi ýaqytta polıtsııa top músheleriniń jalpy somasy 11 mıllıon teńgeden asatyn 49 bas maldy urlaýǵa qatysy bar ekenin dáleldedi.
Barlyq kúdiktiler qamaýǵa alyndy.
— Zańnamaǵa sáıkes mal urlyǵy úshin 12 jylǵa deıingi merzimge bas bostandyǵynan aıyrý jáne múlkin tárkileý túrindegi jaza qarastyrylǵan. Azamattarǵa maldaryn tańbalap, olardy qaraýsyz qaldyrmaý usynylady, — dedi ІІM-de.
Aıta ketelik jyl basynan mal urlyǵy qaı óńirlerde kóp anyqtalǵany týraly jazǵan edik.