Shyǵarmashylyq joǵary oqý oryndaryna Prezıdent stıpendııasy bólindi
ASTANA. KAZINFORM – 2025 jylǵy 24 maýsymda qazaqstandyq úsh shyǵarmashylyq joǵary oqý oryndaryna Memleket basshysynyń 18 stıpendııasy bólindi.
Sheshimge Mádenıet jáne aqparat mınıstri Aıda Balaeva qol qoıyp bekitti.
- Ǵylym jáne joǵary bilim mınıstriniń 2025 jylǵy 16 mamyrdaǵy № 251 buıryǵymen bekitilgen Qazaqstan Respýblıkasy Prezıdentiniń 2025 jylǵa arnalǵan stıpendııasyn mınıstrlikter arasynda bólýdi iske asyrý maqsatynda buıyramyn. Osy buıryqqa qosymshaǵa sáıkes Qazaqstan Respýblıkasy Prezıdentiniń 2025 jylyna arnalǵan joǵary jáne joǵary oqý ornynan keıingi bilim berý uıymdary arasynda bólý bekitilsin, - delingen qujat mátininde.
Stıpendııalar kelesi joǵary oqý oryndarynyń stýdentterine taǵaıyndaldy:
- Qurmanǵazy atyndaǵy Qazaq ulttyq konservatorııasy — 4 stıpendııa;
- Kúlásh Baıseıitova atyndaǵy Qazaq ulttyq óner ýnıversıteti — 10 stıpendııa;
- T.Júrgenov atyndaǵy Qazaq ulttyq óner akademııasy — bakalavrıattyń 3 stýdentine jáne magıstratýranyń 1 stýdentine stıpendııa berildi.
Atalǵan buıryq 2025 jylǵy 14 shilde de kúshine enedi.
Eske salaıyq, mádenı mamandyqta oqıtyn stýdentterge Prezıdent stıpendııasy jyl saıyn beriledi.