Shyǵarmashylyq emtıhanǵa qujat qabyldaý bastalady
ASTANA. KAZINFORM – Shyǵarmashylyq mamandyqtarǵa túsýge nıetti talapkerler úshin qujat qabyldaý 20 maýsym men 10 tamyz aralyǵynda júrgiziledi.
Ulttyq testileý ortalyǵynyń málimetinshe, shyǵarmashylyq emtıhandar 7 shilde men 15 tamyz aralyǵynda ótedi.
Al bilim granty konkýrsyna qatysqysy keletin talapkerler shyǵarmashylyq emtıhanǵa ótinishti 7 shildege deıin tapsyryp, emtıhandy 20 shildege deıin aıaqtaýy tıis.
Emtıhandar dástúrli formatta, ıaǵnı oflaın rejımde ótkiziledi.
«Grant konkýrsyna qatysý úshin talapker tek bir mamandyq pen bir joǵary oqý ornyn tańdaı alady. Al aqyly negizde oqýǵa túsý kezinde basqa joǵary oqý ornynda tapsyrylǵan shyǵarmashylyq emtıhan nátıjesin paıdalanýǵa múmkindik bar», – dep habarlady Ulttyq testileý ortalyǵy.
Sondaı-aq bes pán boıynsha UBT tapsyrǵan talapkerler de shyǵarmashylyq baǵyttaǵy mamandyqtarǵa túse alady.
Ol úshin talapker «Qazaqstan tarıhy» jáne «Oqý saýattylyǵy» pánderi boıynsha shekti ball jınap, shyǵarmashylyq emtıhan tapsyrýy qajet.
Qujat tapsyrý kezinde talapker bes pán nátıjesi talap etiletin mamandyqty nemese shyǵarmashylyq baǵytty óz qalaýynsha tańdaı alady.
Qosymsha aqparat alý úshin talapkerlerge joǵary oqý oryndarynyń qabyldaý komıssııalaryna júginý usynylady.
Aıta keteıik, Premer-mınıstr emtıhan kezinde balalardyń qaýipsizdigin qamtamasyz etýdi tapsyrdy.
