Shıfrlyq quraldardy ákelýge ruqsat berý merzimi qysqardy
ASTANA. QazAqparat - QR Premer-Mınıstriniń orynbasary Asqar Jumaǵalıevtyń tóraǵalyǵyndaǵy Memlekettik qyzmetterdi irikteý boıynsha vedomstvoaralyq komıssııa QR Ulttyq qaýipsizdik komıtetiniń memlekettik qyzmetterdi kórsetý merzimin qysqartý jaıly sheshim qabyldady.
Bul týraly «Azamattarǵa arnalǵan Úkimet» memlekettik korporatsııasynyń baspasóz qyzmetinen habarlady.
«Endi úshinshi eldermen saýda-sattyqta tarıftik emes retteý sharalary qoldanylatyn aqparatty jasyryn alýǵa arnalǵan arnaıy tehnıkalyq quraldardy ákelýge, áketýge jáne olardyń tranzıtine qorytyndy berý qujaty burynǵydaı 15 kúntizbelik kúnde emes, 8 jumys kúninen keıin beriletin bolady», - delingen habarlamada.
Úshinshi eldermen saýda-sattyqta tarıftik emes retteý sharalary qoldanylatyn shıfrlaý (krıptografııalyq) quraldaryn ákelýge, áketýge jáne olardyń tranzıtine qorytyndy berý qujatyn berý merzimi de 15 kúntizbelik kúnnen 8 jumys kúnine deıin qysqartyldy.
Shıfrlaý (krıptografııalyq) quraldaryn qamtıtyn taýarlardyń sıpattamasy týraly notıfıkatsııalardy tirkeý jumystary da endi 10 jumys kúni ornyna 5 jumys kúni ishinde oryndalatyn bolady.
