Shıelilikterdi qandaı máseleler tolǵandyrady: Senator Rýslan Rústemov turǵyndarmen kezdesti

ASTANA. QazAqparat - QR Parlamenti Senatynyń depýtaty Rýslan Rústemov Qyzylorda oblysynyń Shıeli aýdanyndaǵy Telikól aýylynyń turǵyndarymen kezdesti, dep habarlaıdy QazAqparat QR Parlamenti Senatynyń baspasóz qyzmetine silteme jasap.

Depýtat júzdesý kezinde Parlamenttegi zań shyǵarý jumysy týraly kezdesýge qatysýshylarǵa aıtyp berdi. Sonymen qatar óńirge gaz jetkizýdegi ózekti máselelerdi, sondaı-aq jaıylymdyq jerlerdiń jaı-kúıin talqylady.

Senator bul másele jaqyn arada qabyldanatyn jańa zań jobasy aıasynda sheshiletinin atap ótti.

Rýslan Rústemov sonymen qatar Baısyn eldi mekenindegi sport kesheni men 4 turǵyn úı jáne orta mekteptiń qurylysynyń barysymen tanysty.