Shıelilik sheneýnik mıllıon teńge para alǵany úshin sottaldy
QYZYLORDA. QazAqparat - Shıeli aýdanynda qujattardy zańsyz qoldan jasaǵan sheneýnik 1 mıllıon teńgeni bas paıdasyna jaratqan, dep habarlady QazAqparat HAA tilshisi oblystyq prokýratýraǵa silteme jasap.
Prokýratýranyń habarlaýynsha, Shıeli kentiniń bas mamany Otyzbaeva turǵyn úı qurylysyn salýǵa jer telimi úshin jábirlenýshiden 1 mıllıon teńge kóleminde para alyp, jerdi zańsyz rásimdep bergen.
Shıeli aýdandyq soty Otyzbaevany sybaılas jemqorlyqqa qatysy bolýyna baılanysty kináli dep tapty. QR Táýelsizdiginiń 25 jyldyq merekesine oraı raqymshylyqqa ilinýine baılanysty ony 3 jyl merzimge erkindigin shektep, ómir boıy memlekettik qyzmette jumys atqarý quqynan aıyrdy. Kent ákimshiliginiń munan ózge iske qatysty bolǵan qyzmetkerleri tártiptik jazaǵa tartyldy.
