Shıelilik otbasylarǵa 1 520 gektar jer bólindi
QYZYLORDA. QazAqparat – Oblys ákiminiń tapsyrmasyna sáıkes bıyl Shıeli aýdanynyń turyńdaryna jospardan tys 1520 gektar qosymsha jer daıyndalyp, 1390 otbasyna úlestirilgen. Onyń ishinde 520 gektar jerge tamshylatyp sýarý ádisi arqyly kókónis, baqsha daqyldary egildi, dep habarlaıdy QazAqparat.
Qyzylorda oblysy ákimdiginiń málimetinshe, jyl basynan beri saýda oryndarynda jasandy baǵa kóterý faktilerin boldyrmaý úshin azyq-túlik jetkizýshi kásipkerler arasynda baǵany ustap turý jóninde túsindirme jumystary júrgizilip jatyr. «Nur», «Arsen», «Aıan», «Qaısar», «Bereke» jáne «Qazyna» iri saýda nysandarymen, taǵy basqa dúkendermen ózara yntymaqtastyq jóninde memorandýmǵa qol qoıyldy. Búginde ónimderge suranystyń ósýi, ónim jetispeýshiligi baıqalmaıdy.
Sondaı-aq aýdannyń eksporttyq áleýetin arttyrý, aýyl sharýashylyǵy taýar óndirýshileriniń taýarlaryn syrt elderge eksportqa jóneltý baǵytynda júıeli jumystar júrgizilip jatyr. Ótken jyly mamyr aıynda Qyrǵyzstanǵa 20 tonna aq kúrish, Reseıge 421 tonna qarbyz, 275 tonna qaýyn, 330 tonna qyzanaq eksporttaldy.
