Shıelide jeńil avtokólik tolyǵymen órtenip ketti
ShIELІ. QazAqparat - Qyzylorda oblysy Shıeli aýdanynda «Mercedes-Benz 200» avtokóligi tolyǵymen órtenip ketti, dep habarlaıdy QazAqparat tilshisi.
Oqıǵa 15 qyrkúıekte saǵat 22:00-der shamasynda boldy. Sol ýaqytta Shıeli aýdany № 13 órt sóndirý bóliminiń baılanys beketine «Shuǵyla» shaǵyn aýdanynda kólik órtenip jatqany habarlanǵan.
«Oqıǵa ornyna órt sóndirý avtokóligimen 5 qyzmetker bardy. Onda 1993 jyly shyqqan «Mercedes-Benz 200» markaly avtokóligi tolyǵymen órtenip ketkeni anyqtaldy.
Órttiń shyǵý sebebi men odan kelgen shyǵyn anyqtalýda», - dep málim etti Qyzylorda oblystyq tótenshe jaǵdaılar departamentiniń baspasóz qyzmetiniń jetekshisi Aıgúl Nurmanova.
Budan buryn Qyzylorda oblysynda turǵyn úı aýlasyndaǵy kóliktiń órtenip ketkeni jazylǵan edi.
