Shıelide turǵyn úı aýlasyndaǵy kólik tolyǵymen órtenip ketti
ShIELІ. QazAqparat - Qyzylorda oblysynda turǵyn úı aýlasynda turǵan «GAZel» avtokóligi tolyǵymen janyp ketti, dep habarlaıdy QazAqparat tilshisi.
Oqıǵa Shıeli kentinde 12 qyrkúıek kúni saǵat 21.57-de tirkeldi. Jergilikti órt sóndirý bóliminiń baılanys beketine aýdan ortalyǵyndaǵy Qajymuqan kóshesindegi turǵyn úıdiń janynda avtokólik órtenip jatqany jóninde habar kelip túsken.
«Oqıǵa ornyna aýdandyq tótenshe jaǵdaılar bóliminen arnaıy 4 maman bardy. Sol kezde turǵyn úı aýlasynda «GAZel» avtokóligi órtenip jatqan. Avtokólikke gaz qondyrǵysy ornatylǵany belgili boldy. Órt saǵat 22.20-da tolyǵymen sóndirildi», - dedi Qyzylorda oblystyq tótenshe jaǵdaılar departamentiniń baspasóz qyzmetiniń jetekshisi Aıgúl Nurmanova.
Órttiń shyǵý sebebi men odan kelgen shyǵyn kólemi eseptelýde
