Shıelide kún elektr stansasynyń qurylysy bastaldy
ShIELІ. QazAqparat - Qyzylorda oblysy Shıeli aýdanynda kún elektr stansasynyń qurylysy bastaldy, dep habarlaıdy QazAqparat tilshisi.
Tuńǵysh Prezıdent - Elbasy Nursultan Nazarbaev 2018 jylǵy qazandaǵy Qazaqstan halqyna Joldaýynda «Eń aldymen «bolashaqtyń ekonomıkasynyń» balamaly energetıka, jańa materıaldar, bıomedıtsına, úlken derekter, zattar ınterneti, jasandy ıntellekt, blokcheın jáne basqa da baǵyttaryn ilgeriletýdi qamtamasyz etý qajet» dep atap kórsetken bolatyn.
Atalmysh jobany «Baıqońyr Solar» JShS qolǵa alyp otyr. Kún elektr stansasy Shıeli aýdanynyń Sulýtóbe aýylynda ornalasady. Onda kúnine 50 mVt kún elektr qýaty óndiriledi. Atalmysh stansa kórshi aýdandar men oblys ortalyǵyn elektr qýatymen qamtamasyz etedi. Sondaı-aq, aýadaǵy kómirqyshqyl gazynyń jyldyq shyǵarylýyn 75 myń tonnaǵa azaıtady. Oǵan qosa ınvestıtsııa tartýǵa múmkindik beredi.
Bul jobany «Qazyna Kapıtal menedjment» AQ jáne «ıÝnaıted Grın Brıtandyq holdıngi» qarjylandyrady. Іske qosylǵannan keıin 23 adam jumyspen qamtylatyn bolady.
Osyndaı joba Jalaǵash aýdanynda da qolǵa alynyp otyr. Onda da qýattylyǵy 30 kVt bolatyn kún elektr stantssasynyń qurylys bastaldy. Bul jobany «Nomad Solar» JShS júzege asyrady. Elektr stansasynyń qurylysyna 60 adam jumyldyrylǵan. Paıdalanýǵa berilgennen keıin munda 18 jańa turaqty jumys orny ashylady.
