Shıelide katamarannan kólge qulap ketken jigit ajal qushty
ShIELІ. QazAqparat - Qyzylorda oblysy Shıeli aýdanynda katamarannan Hanqoja kólinde sýǵa qulap ketken jigit kóz jumdy, dep habarlaıdy QazAqparat tilshisi.
Oqys oqıǵa Shıeli aýdanyna qarasty Báıgequm eldi mekeni tusyndaǵy Hanqoja kólinde boldy. Sý aıdynynda katamaranmen júrgen 1997 jylǵy jigit kólge qulap ketken.
«Ol jergilikti turǵyndardyń kúshimen jaǵaǵa shyǵaryldy. Aýrýhanaǵa barar jolda kóz jumdy. Atalǵan azamattyń eshqandaı ishimdik ishpegeni anyqtaldy», - dep málim etti oblystyq Órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada besinshi synyp oqýshysy kanalǵa batyp ketken edi.
Oqıǵa Syrdarııa aýdany Amangeldi aýylynda boldy. Besinshi synypta oqıtyn er bala Jetikól kanalyna batyp ketken. Aýyl turǵyndarynyń kómegimen balanyń denesi sýdan shyǵaryldy.
