Shıelide kásipker sport keshenin salyp berdi
ShIELІ. QazAqparat - Qyzylorda oblysy Shıeli aýdany Tóńkeris aýyldyq okrýginiń ortalyǵy - Shegen Qodamanov aýylynda jańa sport kesheni saltanatty túrde ashyldy, dep habarlaıdy QazAqparat tilshisi.
Sport kesheni «Tóńkeris-K» JShS dırektory Baýyrjan Kópeevtiń jeke qarajatymen boı kóterdi. Atalmysh keshenniń jobalyq quny - 97 mln 300 myń teńge.
Igilikti sharaǵa Qyrymbek Kósherbaev qatysty. El aldynda ol óz lebizin bildirdi.
«Bizdiń dana halqymyz «Jany sergektiń táni sergek» dep tegin aıtpaǵan. Búgingi zymyran zamannyń talaby da belgili: tek deni saý ult qana myna myń qubylǵan álemde básekege qabiletti bola alady. Endeshe, bul sport kesheniniń ashylýy tek sportshylar úshin ǵana emes, barshamyz úshin qýanysh», - dedi oblys ákimi.
Elbasy Joldaýynda aıtylǵandaı, 2020 jylǵa deıin buqaralyq sportpen aınalysatyn qazaqstandyqtardyń sanyn 30 paıyzǵa deıin kóterý baǵytynda Syr óńirinde ıgilikti ister qolǵa alynyp keledi. Osy maqsatta Shıeli aýdanynda zamanaýı sport alańdary, dene shynyqtyrý jəne saýyqtyrý alańdary kóptep salynýda.
Byltyrǵy jyly aýdanda memlekettik-jekemenshik áriptestik aıasynda Aqmaıa aýylynan jobalyq quny 70 mln teńgeni quraıtyn sport kesheni paıdalanýǵa berilse, bıylǵy jyly 42 mln teńgeniń sport kesheni Alǵabas aýylynda halyq ıgiligine tabystaldy. Sondaı-aq Eńbekshi, Jólek aýyldarynda da dál osyndaı sport keshenderi iske qosyldy. Sonymen birge, Kerdeli, Bestam aýyldyq okrýgterinde memlekettik-jekemenshik áriptestik aıasynda sporttyq saýyqtyrý keshenderiniń qurylysy júrgizilýde.
