Shıelide kásipker 20 myń túp alma aǵashyn ekti
ShIELІ. QazAqparat - Qyzylorda oblysy, Shıeli aýdany, Talaptan aýyldyq okrýginiń turǵyny Kóbeı Dáýletov 10 gektar jerge 20 myń túp alma kóshetin otyrǵyzdy. Alma baǵyna tamshylatyp sýarý ádisi paıdalanylady, dep habarlaıdy QazAqparat tilshisi.
Ol «Batys Qytaı - Batys Eýropa» tas jolynyń boıyndaǵy «Oqshy ata» kesenesine qarama-qarsy betten alma baǵyn ósirýdi qolǵa aldy. Kóbeı Dáýletovtiń aıtýynsha, qazir jalqaýlyqqa boı aldyrýǵa bolmaıdy. Osyndaı oraıly ister arqyly týǵan jerdi túletýge múmkindik bar.
Syr óńirinde burynǵy jyldarda jemis-jıdek sharýashylyqtary bolǵan edi. Degenmen beride ol sharýashylyqtar óz jumysyn toqtatty. Sonyń saldarynan alma, órik sekildi jemis-jıdek túrleri syrttan tasymaldanyp keledi. Kóbeı Dáýletov sol olqylyqtyń ornyn toltyrýdy kózdep otyr.
