Shıelide elektr toǵymen balyq aýlaǵandar ustaldy
ShIELІ. QazAqparat - Qyzylorda oblysy Shıeli aýdanynda elektr toǵyn paıdalanyp, zańsyz balyq aýlaǵan jergilikti turǵyndar ustaldy, dep habarlaıdy QazAqparat tilshisi.
Shıeli aýdany polıtsııa bóliminiń qyzmetkerleri Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasynyń mamandarymen birlesken reıd ótkizdi. Onyń barysynda Bestam aýylynyń tusyndaǵy Telkól kanalynyń jaǵasynda zańsyz balyq aýlap júrgen Shıeli aýdanynyń turǵyndary ustaldy. Jergilikti turǵyndar elektr toǵyn zańsyz paıdalanyp, balyq aýlap júrgeni anyqtaldy.
«Olardan rezeńke qaıyq, akkýmýlıator jáne 30 keliden astam balyq tárkilendi. Atalǵan derek boıynsha QR Qylmystyq kodeksiniń 335-baby 1-bóligimen tergep-tekserý amaldary júrgizilýde. Onda balyq resýrstaryn zańsyz alý jaǵdaıy kórsetilgen. Olardyń kinási dáleldense, sot sheshimimen belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyrylady. Sondaı-aq, 160 aılyq eseptik kórsetkishke deıingi mólsherde aıyppul salynýy, 160 saǵatqa deıingi merzimge qoǵamdyq jumystarǵa tartylýy, 40 táýlikke deıin qamaýǵa alynýy múmkin», - dep málim etti Qyzylorda oblystyq Polıtsııa departamentinen.
