Shıelide bıdaı tıelgen júk kóliginiń tirkemesi órtenip ketti
ShIELІ. QazAqparat - Qyzylorda oblysy Shıeli aýdany aýmaǵyndaǵy tas jolda «MAZ-5432-03» avtokóliginiń tirkemesindegi 800 baý jońyshqa shóbi men 3 tonna bıdaı órtenip ketti, dep habarlaıdy QazAqparat tilshisi.
Atalmysh oqıǵa «Shymkent-Samara» tas jolynyń boıynda oryn alǵan. Túrkistan oblysy turǵynynyń basqarýyndaǵy «MAZ-5432-03» avtokóliginiń tirkemesindegi 800 baý jońyshqa shóbi men 3 tonna bıdaı órtenip ketken.
«Órttiń shyǵý sebebi belgisiz. Oqıǵa ornyna sol aımaqta qyzmet atqaryp júrgen patrýldik polıtsııa qyzmetkerleri bardy. Oqıǵa barysyn tarazylaǵan olar bul jerge órt sóndirý qyzmeti mamandaryn shaqyrdy. Oqıǵa barysynda zardap shekken adamdar joq», - dep málim etti Qyzylorda oblystyq polıtsııa departamentiniń baspasóz qyzmetinen.
Budan buryn Qyzylordada jergilikti seriktestik qoımasynan órt shyqqany habarlanǵan edi.
