Shıelide 23 jastaǵy turǵyn joǵalyp ketti

QYZYLORDA. QazAqparat - Qyzylorda oblysy Shıeli aýdanynyń 23 jastaǵy turǵyny joǵalyp ketti, dep habarlaıdy QazAqparat tilshisi.

Ol Telikól aýmaǵyna balyq aýlaýǵa shyqqan. Sol jaqtan Qyzylorda qalasyna baratynyn aıtyp jolǵa shyǵyp ketken. Sodan beri habarsyz.

«Bul baǵytta izdestirý jumystary jalǵasýda. Ázirge nátıje bergen joq», - dep málim etti Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.