Shıelenisterdi qaqtyǵystarǵa jetkizbegen EQYU-ǵa qaryzdarmyz - Senat Tóraǵasy (FOTO)
ASTANA. QazAqparat - Ər jyldary kezdesken shıelenisterdi aıasy keń qaqtyǵystarǵa jetkizbeı rettegeni úshin biz Eýropadaǵy qaýipsizdik jəne yntymaqtastyq uıymyna qaryzdarmyz, deıdi búgin «Helsınkı qorytyndy aktisiniń (1975) jəne Astanadaǵy Sammıttiń (2010) mereıtoıyna arnalǵan EQYU jetistikteri men qaterleri» atty halyqaralyq konferentsııa barysynda QR Parlament Senatynyń tóraǵasy Qasym-Jomart Toqaev.
«Qyrǵı qabaq soǵys» əbden shıelenisken kezeńde EQYU Vankýverden bastap Vladıvostokqa deıingi úlken keńistikte turaqtylyq pen beıbitshiliktiń saqtalýyna zor yqpal etti. Tipti, sol «qyrǵı qabaq soǵys» bitkennen keıin de EQYU halyqaralyq qarym-qatynastarda salqyndyqty joıý úshin kóp eńbek sińirdi. Shıelenisterdiń aýqymdy qaqtyǵystarǵa aınalyp, sol aýmaqta qan tógilmegeni úshin biz EQYU-ǵa qaryzdarmyz», - dedi Q.Toqaev.
Senat tóraǵasy atap ótkendeı, sodan beri qyryq jyl ótse de, EQYU-nyń geografııasy keńeıip, qaýipsizdik məselelerindegi róli arta túsken. «EQYU - ujymdyq sheshimder qabyldanatyn, ərbir el óz múddesin qorǵaı alatyn taptyrmas dıalog alańyna aınaldy», - dedi Q.Toqaev EQYU jumysyna baǵa bere otyryp.
