Shıelidegi oqýshy qyzdy zorlaý deregi boıynsha tergeý bastaldy
QYZYLORDA. KAZINFORM – Qyzylorda oblysynyń Shıeli aýdanynda 8-synyp oqýshysyn mektep oqýshylary zorlaǵany týraly aqparatty quzyrly oryndar rastady.
– Bul jaǵdaıǵa baılanysty tergeýdiń qupııalylyǵy men kámelet jasyna tolmaǵan jas qyzdyń bolashaǵyna alańdaýshylyq týyndaýyna baılanysty oqıǵanyń qaı mektepte bolǵany jarııalaýǵa jatpaıdy. Qazirgi ýaqytta aýdandyq polıtsııa bólimi tarapynan tergeý amaldary júrgizilip, nátıjesinde kináli dep tabylǵan adamdar zań aıasynda jaýapqa tartylatynyn habarlaımyz, – delingen Shıeli aýdandyq bilim bóliminiń Facebook áleýmettik jelisindegi resmı jaýabynda.
Bul oqıǵany oblystyq ishki ister departamenti de rastady.
– Polıtsııa tarapynan zorlaý deregi boıynsha tergeý júrgizilip jatyr. Іs polıtsııa departamentiniń erekshe baqylaýynda. Qylmystyq protsessýaldyq kodekstiń 201-babyna sáıkes ózge aqparat jarııa etilmeıdi, – dedi departament bastyǵynyń birinshi orynbasary Oralbek Omarov.
Al jýyrda Qyzylorda oblysy Shıeli aýdanynyń Bala bı aýylynda áıeliniń qolyn baltalap tastady degen kúdikpen 44 jastaǵy er adam qamaýǵa alyndy.