Shıe quıań aýrýyna birden-bir em bolady
ASTANA. 2 qazan. QazAqparat - Boston ýnıversıtetiniń ǵalymdary shıeniń adamdy quıań talmasy aýrýynan qorǵaıtynyn anyqtady.
Jańa zertteýdiń qorytyndysyna qaraǵanda, býyndaryna tuz jınalatyn adamdardyń shıeni kúnine úsh mezgil jegeni durys. Bul týraly «Alash aınasy» gazeti habarlaıdy.
Reseılik «Novostı» agenttiginiń habarlaýynsha, dáriger ıÝıtsın Chjań bastaǵan ǵylymı top quıań talmasyna ushyraǵan 633 naýqasty testileýden ótkizgen. Olardyń ortasha jas shamasy - 54-te, 78%-y - erler. Synaq barysynda naýqastardyń as mázirine 10-12 túıir shıeden turatyn portsııa qosylyp turdy. Sonymen birge shıe shyryny da berildi. Tájirıbe kezinde talma, ásirese bas bashpaıdyń qurysýy 1247 ret tirkelgen. Al zertteýge deıingi talma derekteri budan áldeqaıda kóp bolǵan eken. Ǵalymdardyń aıtýynsha, shıeni kúnine úsh mezgil tutynǵan naýqastar talyp qalýdy sıretken. Munyń qupııasy: shıe sóli zár qyshqyly tuzdarynyń ulpalarda qordalanýyna jol bermeı, qabynýlarǵa qarsy turady.
