«Shejireli Mańǵystaý»: Kásibı fotograftar kıeli ólkeniń kórikti jerlerin fotoǵa túsirip qaıtty
7-10 maýsym aralyǵynda ótken foto-ekspedıtsııanyń negizgi maqsaty - ár ólkeniń tylsym tabıǵatyn, ádemi, kórkem jerlerin, ulttyq ónerin, dástúri men mádenıetin kórsetip, shet memleketke tanytý.
«Fotoóner» QB músheleri 4 kún ishinde Túpqaraǵan, Mańǵystaý, Qaraqııa aýdanynda bolyp, alǵash ret óńirdiń kıeli jerlerine tańǵy jáne túngi ádispen foto-túsirilim jasady. Bozjyra, Ybyqty, Tamshaly, Jyǵylǵan, Saýra, Sherqala, Aıraqty sekildi Mańǵystaýdyń syrly jerlerin (14 nysan) ekspedıtorlar fotoǵa túsirdi.
«Mańǵystaý tabıǵatynyń kórkemdigine kóz toımaıdy. Salt-dástúrdi óte berik ustanǵan jer. Túıe sharýashylyǵy damyǵan. Shubattyń otany sanalady. Osynyń bárin bolashaq urpaqqa qaldyrǵymyz keledi. Myń sózdi bir sýretpen jezgizý — bar maqsatymyz»,- dedi Túrkistan oblysynyń fotografy, «Fotoóner» QB múshesi Maqsat Shaǵyrbaı.
Ekspedıtsııa músheleri Mańystaýdyń keremetterimen qosa sapardyń sońǵy kúnin Aqtaý qalasynyń kaspıı jaǵalaýyndaǵy kóriniske arnady. Shahar turǵyndarynyń teńiz jaǵasyndaǵy serýenin, jastardyń shyrqaǵan ánin, bóbekterdiń baqytty kúlkisin sátti kadrǵa túsirdi.
Ekspedıtsııa barysynda jas fotograftarǵa sheberlik saǵatyn ótkizý josparlanǵan bolatyn. Karantınge baılanysty bul shara keıinge qaldyryp, bolashaqta onlaın túrde ótetin boldy.
Osylaısha ár aımaqta ótkizilgen «Fotoóner» QB músheleriniń 7-ekspedıtsıasy kıeli ólkede ótkizildi.
«Fotografııa - bir uǵym bolǵanymen onyń janry ártúrli. Bizdiń quramdaǵy sheber mamandardyń biri tabıǵatty, biri adamnyń beınesin, endi biri týrıstik áleýetin fotoǵa aldy. Sheteldiń keremet jerleri men nysandaryn ǵalamtordan izdegende kásibı sýretterge tap bolasyń. Al, bizde kóbinese áýesqoı túsirgen sapasyz sýretter shyǵady. Osy olqylyqtyń ornyn toltyrý úshin de atalǵan jumysty qolǵa aldyq»,-deıdi T.Júrgenov atyndaǵy óner akademııasynyń ustazy, Almaty qalasynyń «Fotoóner» QB jetekshisi Ońǵarbek Alharov.
Foto-ekspedıtsııaǵa, sondaı-aq, «Fotoóner» QB múshesi Ernur Manapqanuly, Batys Qazaqstan oblysy «Fotoóner» QB tóraǵasy Meıirbek Tajkýranov, Mańǵystaý óńirlik «Fotoner» QB jetekshisi Serik Maıemerov, «Fotoóner» QB jas múshesi Salaýat Jánibekuly qatysty.
Mańǵystaý oblysy ákimdigi jáne Mańǵystaý oblysynyń ınvestıtsııalar jáne týrızmdy damytý basqarmasynyń uıymdastyrýymen ótken «ShEJІRELІ MAŃǴYSTAÝ» foto-ekspedıtsııasyndaǵy sapardan túsirilgen sýretterdi www.fotooner.kz saıtynan jáne respýblıkalyq BAQ betterinen tamashalaı alasyzdar.
Aıta keteıik bul shara aldaǵy ýaqytta jalǵasyn tabatyn bolady.