Shejire - qazaqty bólshekteıtin emes, kerisinshe biriktiretin uǵym - Memleket basshysy

ASTANA. 14 jeltoqsan. QazAqparat - Shejire - qazaqty bólshekteıtin emes, kerisinshe biriktiretin uǵym. Búgin Táýelsizdik kúni merekesi saltanatyna arnalǵan jıynda Qazaqstan halqyna Joldaý arnaǵan Memleket basshysy Nursultan Nazarbaev osylaı málim etti.

«Barsha adamzat Adam Atadan bastalatyny sekildi búkil qazaqtyń shejire ataýlysy Atam Qazaqtan bastalatynyn árbir qazaq júreginiń túbinde ustaýy kerek. Ásirese jastarǵa aıtatynym mundaı rýshyldyq, jershildik pıǵyldan aýlaq bolyńyzdar. El bolamyz desek, jurt bolamyz desek bizge tek qana birlik kerek. Biz baıaǵy 12 ǵasyrdaǵy orys knıazdarynyń áreketin de jasap júrgendeımiz, qazirgi kúni. Sondyqtan da, alaýyz bolmaı, tek birlesip qana búkil halyqtyń kúsh-jigerin biriktirip qana alǵa basa alamyz. Birligi berekeli, tirligi merekeli yntymaǵy jarasqan eldiń ǵana yrysy men tabysy mol bolmaq», - dedi Elbasy.

Bul rette memleket basshysy eldiń zııaly qaýymy árqashan ári kez kelgen iste mańyzdy ról atqaartynyn aıtyp, «sol zııaly qaýym joǵarydaǵy máselelerge tıisti kóńil bólýi kerektigin» jetkizdi.