Sheıh Zaıdtyń «Adamzat baýyrlastyǵy úshin» syılyǵynyń jeńimpazdary jarııalandy
ASTANA.KAZINFORM — Dıalog, ózara qurmet, áleýmettik ádilettilik jáne beıbit ómir mádenıetin nyǵaıtýǵa qosqan úlesi úshin bıylǵy jyly Ázerbaıjan prezıdenti Ilham Álıev, Armenııa premer-mınıstri Nıkol Pashınıan jáne aýǵanstandyq quqyq qorǵaýshy Zarka ıAftalı marapattaldy, dep habarlaıdy Kazinform.
— Bul elderdiń Kavkazdaǵy ondaǵan jylǵa sozylǵan qaqtyǵys pen adamzattyń azap shegýin toqtatý týraly tarıhı sheshim qabyldaýdaǵy kóregendigi eki el júrgizip jatqan beıbitshilik, dıalog, qalypqa keltirý jáne qaqtyǵystardy sheshý protsesimen moıyndalady. Bul tatýlasý bir ǵana áreket emes, uzaq merzimdi protsess ekenin kórsetedi, — dep habarlady BAÁ jańalyqtar agenttigi.
Marapattaý rásimi 4 aqpanda, Halyqaralyq adamzat baýyrlastyǵy kúninde Abý-Dabıde ótedi.
«Adamrat baýyrlastyǵy úshin» Sheıh Zaıd qorynyń syılyǵy — BAÁ 2019 jyly qurǵan jyl saıynǵy marapat, ol yntymaqtastyqty nyǵaıtatyn jáne kelispeýshilikterdi jeńetin jeke tulǵalar men uıymdardy marapattaıdy. Burynǵy laýreattardyń qatarynda Rım Papasy Frantsısk jáne BUU Bas hatshysy Antonıý Gýterrısh boldy.
Esterińizge sala keteıik, 2025 jyldyń 8 tamyzynda Vashıngtonda Ázerbaıjan prezıdenti Ilham Álıev, Armenııa premer-mınıstri Nıkol Pashınıan jáne AQSh Bas hatshysy Donald Tramp Baký men Erevan arasyndaǵy qarym-qatynasty beıbit jolmen retteý týraly birlesken deklaratsııaǵa qol qoıdy.
QR Prezıdenti Qasym-Jomart Toqaev Armenııa men Ázerbaıjan arasyndaǵy beıbit retteý týraly deklaratsııanyń tarıhı mańyzdylyǵyn atap ótti.