Sheıh Támım Memleket basshysyn fýtboldan álem chempıonatyna shaqyrdy
ASTANA. QazAqparat – Qatar Ámiri sheıh Támım ben Hamad Ál Tánı Qazaqstan Prezıdenti Qasym-Jomart Toqaevty fýtboldan álem chempıonatyna shaqyrdy, dep habarlaıdy QazAqparat tilshisi.
«Aldymyzdaǵy aıdyń sońynda Qatarda fýtboldan álem chempıonaty bastalady. Osy rette Qazaqstannyń fýtbol jankúıerlerin álemdik dodany tamashalaýǵa shaqyramyn. Sondaı-aq, búgin men Prezıdent myrzaǵa da fýtboldan álem chempıonatyn kórýge shaqyrýymdy jetkizdim. Sol ýaqytta Qazaqstanda Prezıdent saılaýy ótetindigin bilemin. Degenmen, Sizdi osy chempıonatqa keledi dep úmittenemin», - dedi Qatar Ámiri Aqordada Qazaqstan Prezıdentimen kezdesýden keıingi BAQ ókilderine arnalǵan brıfıngide.
Aıta keteıik, búgin Aqordada ótken shaǵyn jáne keńeıtilgen quramdaǵy kelissózderden keıin Memleket basshysy Qasym-Jomart Toqaev Qatar Ámiri sheıh Támım ben Hamad Ál Tánıdi qazaq-qatar qarym-qatynasyn turaqty damytýǵa ólsheýsiz úles qosqany úshin elimizdiń eń joǵarǵy nagradasy – «Altyn qyran» ordenimen marapattaǵan edi.
Foto : t.me/bort_01
