Sheıh Salman FIFA prezıdenti bolsa ÁCh-2018/22 ótinish berý naýqanyn qaıta qarastyrýy múmkin
ASTANA. QazAqparat - Azııalyq fýtbol konfederatsııasynyń basshysy jáne Halyqaralyq fýtbol federatsııasynyń (FIFA) prezıdenttigine úmitker sheıh Salman bın Ibragım ál-Halıfa uıym prezıdenttiginiń saılaýynda jeńiske jetse, 2018 jáne 2022 jyldary Reseı men Katarda ótetin álem chempıonatynyń ótinish berý naýqanyn qaıta qarastyrýy múmkin ekenin aıtty.
Bul týraly Insidethegames portaly habarlady.
FIFA prezıdentiniń saılaýy 2016 jyly 26 aqpanda uıymnyń kezekten tys kongresinde ótedi. Sheıh Salmannan basqa bul laýazymǵa Iordanııa hanzadasy Alı bın Ál-Hýseın, OAR turǵyn úı qurylysy boıynsha burynǵy mınıstr jáne Nelson Mandelanyń seriktesi Tokıo Seksvale, FIFA bas hatshysynyń burynǵy orynbasary frantsýz Jerom Shampan men Eýropalyq fýtbol qaýymdastyǵy odaǵynyń (ÝEFA) bas hatshysy Djannı Infantıno talasady, dep habarlady TASS.
Foto:© AP Photo/Hasan Jamali
