Shettegi qazaq Otanyna oralǵanda erekshe jaǵdaı jasaý qajet deýden aýlaqpyz - Frantsııa qazaǵy

None
None
ASTANA. QazAqparat - Shettegi qazaq Otanyna oralǵanda  erekshe jaǵdaı jasaý qajet deýden aýlaqpyz. Mundaı pikirdi QR Prezıdenti Nursultan Nazarbaevtyń tóraǵalyǵymen ótken Dúnıejúzi qazaqtarynyń V quryltaıynda Frantsııanyń Parıj qalasynan kelgen kásipker Mehmed Zengın bildirdi, dep habarlaıdy QazAqparat.

«Bıyl Almatyda tutyný ónerkásibiniń halyqaralyq kórmesi ótti. Oǵan shetelden kelgen 40-qa jýyq fırmanyń arasynda men jalǵyz qazaq boldym. Kórmeden  keıin bıznesimdi osynda kóshirip, Otanyma paıda keltirý sheshimin qabyldadym. Biraq, bul birshama qıyn sharýa eken», - dedi ol.

Kásipker sheteldegi óndirisin Qazaqstanǵa aýystyrý úshin   jer satyp alý múmkin emestigin, jalǵa alý da ońaı bolmaı turǵandyǵyn aıtty.

«Basqa da qaǵazbastylyq kóp. Biz, sheteldegi qazaqtar adam úıine oralǵanda olarǵa erekshe jaǵdaı jasaý qajet deýden aýlaqpyz.  Degenmen basqa  sheteldik ınvestorlarǵa qaraǵanda shetelden kelgen qazaqtarǵa jeńildikter berý kerek sııaqty.  Olar elge kelse túpikilikti qalady. Sondyqtan týǵan jer baǵdarlamasyn júzege asyrǵanda elge kelip kásibin ashqysy keletin qazaqtardy qoldaý tetikteri jasalsa dep oılaımyn», - dedi Mehmed Zengın.

Osy rette Qazaqstan Prezıdenti Nursultan Nazarbaev elimizde jer satylmaıtyndyǵyn basa aıtty.

«Elimizdiń zańy boıynsha jer satylmaıdy. Biraq, jerdi 49 jylǵa jalǵa alyp jumys isteýge bolady. Bul máseleni sheshýdi Aýyl sharýashylyǵy mınıstri Asqar Myrzahmetovke tapsyramyn. Kezdesip, sheship, jumys isteıtin bol»,-  dedi Elbasy.

Сейчас читают
telegram