Shettegi baýyrlarymyzdyń tabanyna kirgen shóńge bizdiń jan júregimizdi de syzdatýy qajet - N. Nazarbaev
ASTANA. 25 mamyr. QazAqparat /Qanat Mámetqazyuly/ - Shettegi baýyrlarymyzdyń tabanyna kirgen shóńge bizdiń jan júregimizdi de syzdatýy qajet.
Búgin Astanada ótip jatqan Dúnıejúzi qazaqtarynyń IV quryltaıynda sóılegen sózinde QR Prezıdenti - Dúnıejúzi qazaqtary qaýymdastyǵy Tóralqasynyń tóraǵasy Nursultan Nazarbaev osylaı málimdedi.
«Meniń Jarlyǵymmen 2008 jyldan bastap qandastarymyzdyń jyl saıyn kóship kelý kvotasy 20 myń otbasyna kóterildi. Elge aǵylǵan aǵaıynnyń kóshin júıeleý maqsatynda «Nurly kósh» baǵdarlamasy qabyldanyp, oǵan qomaqty qarajat bólinýde. Osy baǵdarlama arqasynda birqatar irgeli ister atqaryldy. Oblys ákimdikteri kóship kelgen qandastarǵa arnaıy aýyldar salyp, ıgilikti is tyndyrdy. Jumysqa beıimdeý úshin ortalyqtar qurdyq. Syrttan kelgenderge til úıretý, mamandyq berý jaǵdaıyn qolǵa alyp jatyrmyz»,-dedi Memleket basshysy.
Bul rette Elbasy búgingi Quryltaı barysynda qandastarymyzǵa qoldaý kórsetip, qamqorlyq jasaýdyń naqty joldary aıqyndala túsýi tıistigin atap ótti. «Sondyqtan aldaǵy maqsat-mindetterdi birlesip belgilep alǵanymyz jón aǵaıyn»,-dedi N. Nazarbaev.
