Shetsiz qala: Almatyda 601 kóshe jaryqtandyrylady
ALMATY. QazAqparat - Almatyda «Shetsiz qala» qaǵıdaty boıynsha 600 kóshe jaryqtandyrlyp, 270 shaqyrym elektr jelileri rekonstrýktsııalanady, dep habarlaıdy QazAqparat tilshisi.
«2020 jyly «Almaty qalasynyń syrtqy jaryqt jelilerin modernızatsııalaý» MJÁ sharty aıasynda 7 magıstraldy kóshede eski syrtqy jaryq jelileri jańardy, jańa baǵanalar, jaryq kózderi ornatyldy», – dedi qalalyq energotıimdilik jáne ınfraqurylymdyq damý basqarmasy basshysy orynbasarynyń mindetin atqarýshy Berik Jambylov.
Almatyda «Shetsiz qala» baǵdarlamasyna sáıkes jyl ishinde 1 423 kóshege, 4 aýdanǵa syrtqy jaryq jelileri ornatyldy. (Alataý aýdany -413 kóshe, Jetisý aýdany – 84 kóshe, Naýryzbaı aýdany – 312 kóshe, Túrksib aýdany – 614 kóshe).
«2021 jyly qalǵan 601 kóshege (4 aýdan: Almaly, Áýezov, Bostandyq, Medeý) syrtqy jaryq jelilerin ornatý josparlanǵan.Búgingi kúni 200 kóshede jumystar júrýde», – dep atap ótti spıker.
Berik Jambylov qoldanystaǵy elektr jelilerin modernızatsııalaýdyń barysy týraly aıtty. Almaty qalasynyń aýmaǵynda elektr jelileriniń uzyndyǵy 8,381 myń shaqyrymdy quraıdy. 2020 jyly elektrmen jabdyqtaýdyń 293,4 shaqyrym jelileri (jospar 150 km) jańardy, osynyń arqsynda Medeý, Naýryzbaı jáne Túrksib aýdandary elektrmen úzdiksiz qamtylǵan. ıAǵnı, elektrmen 270 myń úı qamtyldy.
Bıyl 270 shaqyrym elektr jelilerin qaıta jańartý josparda. Budan bólek, «Tuzdybastaý» PS qurylysy bastalyp, «Almagúl», «Kaskad» PS qurylystary aıaqtalady.
