Shetsiz qala: Almatyda 22 saıabaq pen skver jóndeýden ótti
ALMATY. QazAqparat - Almatylyqtar úshin ózekti máselelelerdiń biri demalatyn jáne sportpen shuǵyldanatyn jasyl alańdardyń azaıǵany. Bul problemanyń qalaı sheshilip jatqanyn megapolıs basshysy Baqytjan Saǵyntaev «Almatyny damytý – 2021: kóriktendirý jáne kógaldandyrý jobalary» onlaın-tanystyrylymy barysynda aıtty, dep habarlaıjy QazAqparat tilshisi.
Karantınge qaramastan, ótken jyly 22 saıabaq pen skver jóndeldi, sonyń ishinde 28 gvardııashy-panfılovshylar parki, 10 jaıaý júrginshiler kósheleri jóndelip 14 jańa jasyl aımaq quryldy.
Almaty ákimi B. Saǵyntaev atap ótkendeı, memleket basshysynyń tapsyrmasyn oryndaý boıynsha «Shetsiz qala» baǵdarlamasy qabyldandy, negizinen Almaty qalasynyń shalǵaı aýdandaryndaǵy ózekti máselelerdi sheshýge baǵyttalǵan.
«Alataý (234 ga), Jetisý (258 ga), M.Áýezov aýdandarynda (249 ga) árdaıym demalys oryndary tapshy boldy. Sondyqtan byltyr nólden bastap qaraýsyz qalǵan aýmaqtarda jańa demalys aımaqtaryn salý qolǵa alyndy. salyndy. Mysaly, Alataý aýdanynyń «Qarasý» yqshamaýdanyndaǵy batpaq ornynda serýendeıtin saıabaq, amfıteatr paıda boldy, olardyń barlyǵy zamanaýı syrtqy jıhazben jabdyqtalǵan. Jóndeý jumystary «Drýjba» saıabaǵynda jáne Shýhov atyndaǵy skverde júrgizildi. Buryn bul mektep pen aýrýhana arasyndaǵy ıesiz aımaq bolǵan, qazir balalar men eresekter munda serýendeıdi, sportpen shuǵyldanady. Túrksib aýdanynda áýejaı mańynda jańa «Jeltoqsan» saıabaǵy salyndy. 55 ga jerde balalar men sport alańdary uıymdastyrylyp, kóldiń boıyna serýendeý pırsy salyndy»,-deıdi ákim.
Almatyda qalalyq ortany josparlaýda túbegeıli jańa tásilder qoldanylady. Maqsat – qurylystyń qalanyń josparlaýy men qabyldaýyna keri áserin tıgizbeýin qamtamasyz etý. Jańa ádistiń mánin shamamen úsh tarmaqqa bólýge bolady.
«Birinshiden, saıabaq aýmaqtaryn polıortalyqtandyrý. Buryn qalada tek 2 úlken saıabaq bolǵan – Tuńǵysh Prezıdent saıabaǵy men Ortalyq demalys saıabaǵy, endi ár aýdanda osyndaı saıabaqtar bolady. Ekinshi - josparlaý ádisi. Jaıly serýendeıtin aımaqtardy qurýǵa baǵyttalǵan.Úshinshi. Turǵyndarmen jumys. Saıabaq ıdeıasynyń alǵashqy kezeńinde turǵyndardyń jańa saıabaq jónindegi pikirlerin eskeremiz. Osyǵan baılanysty bıyl 9 jańa saıabaq aımaǵynyń qurylysy bastalady», - dep atap ótti Baqytjan Saǵyntaev.
